10 кастрычніка 2021 г. — 50 гадоў з дня нараджэння Вячаслава Віктаравіча Калацэя (1971), беларускага культуролага, фалькларыста, этнографа
Вячаслаў Віктаравіч Калацэй нарадзіўся 10 кастрычніка 1971 г. у г. Камянцы Брэсцкай вобласці ў сям’і настаўнікаў. Бацька, Віктар Іванавіч Калацэй, — настаўнік матэматыкі, дырэктар Камянецкай СШ № 1 (1975–1996); маці, Лізавета Цярэнцьеўна, працавала настаўніцай рускай мовы і літаратуры. У 1988 г. Вячаслаў скончыў Камянецкую сярэднюю школу з сярэбраным медалём.
21 жніўня 2021 г. — 70 гадоў з дня нараджэння Тамары Барысаўны Ляўчук (1951), актрысы, заслужанай артысткі Рэспублікі Беларусь
Тамара Барысаўна Ляўчук нарадзілася 21 жніўня 1951 г. у в. Чарнёва Камянецкага раёна Брэсцкай вобласці. Закончыла Раснянскую сярэднюю школу Камянецкага раёна.
2021 г. — 135 гадоў з часу будаўніцтва царквы святой вялікапакутніцы Параскевы Пятніцы ў в. Мікалаева (Камянецкі р-н; 1886), помніка архітэктуры рэтраспектыўна-рускага стылю
Свята-Параскевінская царква ў вёсцы Мікалаева Камянецкага раёна Брэсцкай вобласці была пабудавана ў канцы XIX ст. на сродкі прыхаджан. Пабудавана царква з дрэва на паўночнай ускраіне вёскі на месцы больш старажытнай царквы 1802 г. Першае ўпамінанне аб царкве адносіцца да 1886 г. Да сярэдзіны XX ст. гэта была Свята-Мікалаеўская царква, прыпісная да Камянецкай Свята-Сімяонаўскай царквы, і лічылася Вялікаельнінскай, па ранейшай назве мясцовасці.
11 чэрвеня 2021 г. — 110 гадоў з дня нараджэння Яўгена Рыгоравіча Пякарскага (1911–1942), удзельніка рэвалюцыйнага руху ў Заходняй Беларусі і барацьбы з нямецка-фашысцкімі захопнікамі
Яўген Рыгоравіч Пякарскі нарадзіўся 11 чэрвеня 1911 г. у вёсцы Турна Брэсцкага павета Гродзенскай губерні (цяпер Камянецкага раёна Брэсцкай вобласці) у сялянскай сям’і. З успамінаў яго сястры Ганны Рыгораўны Малыхі ён рос паслухмяным і сціплым. Скончыў сем класаў агульнаадукацыйнай польскай школы.
13 жніўня 2021 г. — 70 гадоў з дня нараджэння Аляксандра Іванавіча Лышчыка (1951–2011), скульптара
Аляксандр Іванавіч Лышчык нарадзіўся 13 жніўня 1951 г. у г. Камянцы Брэсцкай вобласці. Бацька, Іван Сямёнавіч Лышчык, працаваў у перасоўнай механізаванай калоне № 14; маці, Клаўдзія Арцёмаўна, — медсястрой у раённай бальніцы. З дзяцінства Саша захапляўся лепкай, яго лепшым сябрам быў пластылін. Ствараў звычайна салдацікаў — цэлыя арміі, што зусім і не дзіўна для хлапчука пасляваеннага пакалення. Так дзіцячая гульня, прыродная цяга да творчасці перараслі ў моцнае патрабаванне займацца творчасцю прафесійна.
27 чэрвеня 2021 г. — 80 гадоў з дня подзвігу савецкіх кулямётчыкаў у пачатку Вялiкай Айчыннай вайны ў Белавежскай пушчы (Камянецкі р-н; 1941)
У першыя днi Вялікай Айчынная вайны 49-я стралковая Чырванасцяжная дывізія (яе штаб знаходзіўся ў Высока-Літоўску) пад націскам нямецка-фашыскіх войск адыходзіла на ўсход, частка яе падраздзяленняў ішла цераз Белавежскую пушчу ў напрамку Пружан.
27 чэрвеня 2021 г. — 80 гадоў з дня подзвігу савецкіх кулямётчыкаў у пачатку Вялiкай Айчыннай вайны ў Белавежскай пушчы (Камянецкі р-н; 1941)
У першыя днi Вялікай Айчынная вайны 49-я стралковая Чырванасцяжная дывізія (яе штаб знаходзіўся ў Высока-Літоўску) пад націскам нямецка-фашыскіх войск адыходзіла на ўсход, частка яе падраздзяленняў ішла цераз Белавежскую пушчу ў напрамку Пружан.
2021 г. — 40 гадоў з часу выяўлення святой крыніцы ля в. Вяжное Пружанскага раёна (1981), помніка прыроды
Побач з вёскай Вяжное Пружанскага раёна Брэсцкай вобласці працякала невялічкая рачулка Кубанька. Была яна такая вузенькая, што мясцовыя жыхары жартам называлі яе Пераплюйкай. Але прыйшоў час і па рэчышчы Кубанькі вырашылі пракласці меліярацыйны канал. Калі пракладвалі яго ў 1981 г., у адным з месцаў з-пад каўша экскаватара ўвысь ускінуліся некалькі магутных трохмятровых фантанаў вады. Пасля напор вады аслабеў, а каб засцерагчы гэтую ваду ад іншай, было ўстаноўлена бетоннае кальцо.
25 мая 2021 г. — 130 гадоў з дня нараджэння Карпа Каленікавіча Кузько (1891–1941), удзельніка нацыянальна-вызваленчага руху ў Заходняй Беларусі, грамадскага дзеяча
Карп Каленікавіч Кузько нарадзіўся 25 мая 1891 г. у вёсцы Угляны Брэсцкага павета Гродзенскай губерні (цяпер Камянецкага раёна Брэсцкай вобласці) у сялянскай сям’і. Не маючы зямлі, паступіў працаваць на лесапільны завод у Пашуцкай Будзе, вёсцы на мяжы Белавежскай пушчы.
2021 г. — 235 гадоў з часу пабудовы Спаса-Праабражэнскай царквы ў в. Дзмітравічы (Камянецкі р-н; 1786), помніка драўлянага народнага дойлідства
Спаса-Праабражэнскі храм у аг. Дзмітравічы — адзін з найстарэйшых помнікаў культавага народнага дойлідства Камянецкага раёна Брэсцкай вобласці. Паводле афіцыйных дадзеных, ён быў пабудаваны на сродкі вернікаў пры ўдзеле святара Фёдара Будзіловіча ў 1786 г. Некаторыя гістарычныя факты сведчаць, што царква ўзводзілася не «з нуля», а была перабудавана з храма, які дзейнічаў да 1740 г.